Балкан 1380710_652731824751706_1553986136_n

27 септември, 2013

Српското рок трио „Бриганд“ го објави својот деби албум

Српскиот рок состав „Бриганд“ неодамна го претстави своето албумско првенче, а изданието насловено „Заплешимо грешници“ е издадено под етикетата на „Блек планет рекордс“ (Black Planet Records). Панчевско-белградското рок трио предводено од Велибор Николиќ, заедно со Илија Којовиќ на бас и Иван Перовиќ на тапани, својот прв албум го снимаше во текот на оваа пролет во „Андерграунд саунд фактори“ (Underground Sound Factory), а продукцијата ја потпишува Марко Јовановиќ Артур.

Изданието содржи десет песни, а интересно е тоа американската музичарка Џарбо (Jarboe), која е поранешна пејачка и клавијатурстка на култната њујоршка група Свонс (Swans), гостува во песната која го затвора албумот насловена „Три ноќи“. За темата „Волео сам те“ е снимен и видео запис, а наскоро се очекува и концертна промоција на новиот материјал.

 Албумот можете да го преслушате на следниот линк.

 



Врати се горе ↑