За Вас fotka1

17 декември, 2015

Празнични радости за целото семејствo: Детски претстави, музички матинеа, креативни работилници и големи попусти до Нова Година

Декември е убедливо еден од најомилените месеци на целото семејство. Токму во овој дел од годината владее некоја убава, еуфорична и магична атмосфера, која секој од нас го прави да се чувствува позитивно и расположено. Како се ближат деновите до Нова Година, така луѓето стануваат се поеуфорични, па семејствата сакаат последните денови од годината да ги поминат заедно, дружејќи се и создавајќи нови спомени и моменти за паметење.

Нашиот најголем мол направи вистинска предновогодишна фамилијарна програма во која ќе ужива најмладите, но и возрасните. Смејте се на најзабавните театарски престави или уживајте правејќи ги уникатните украси и играчки во работилницата на Дедо Мраз.

Од денеска па сè до 31 декември „Скопје сити мол“ организира предновогодишна програма „Празнични радости“ која вклучува: Работилница на Дедо Мраз, Театарски претстави за деца, Новогодишни музички матинеа и Празнични попусти за целото семејство.

Новогодишните театарски престави се одвиваат на 2. кат помеѓу BoBowling и Cineplexx. Истите се одвиваат секој петок, сабота и недела во два термина од 15 часот и од 18.30 часот. Овие престави се наменети за најмладите. Оние кои ќе дојдат можат да ги погледнат: „Новогодишната приказна во магичниот дворец Skopje City Mall“,  „Волшепствата на господин Веселко“, „Огласот на Дедо Мраз“, „Кралицата Слаткица“, „Дедомразовата торба со желби“. 

Новогодишните музички матинеа, кои ќе се изведуваат во одделот за храна, ќе се одржуваат од петок до недела секој ден. Музичката програма е новогодишна и се работи за алтернативни камерни оркестри и поединци кои ќе изведуваат хитовска класична музика со новогодишни мотиви. Ќе видиме настап на харфа, трио на жичани инструменти и пијано со хармоника. Настапите се во претпладневните и попладневните термини.

Работицата на Дедо Мраз е одлично место за Вашите деца, ќе ја развие креативноста на нашите најмили кои од овој викенд па сè до предновогодишните денови. Се изработуваат новогодишни украси од керамика заедно со Керамика Кафе, се прават украси и играчки од чоја  и фимо пластелин. Децата во работилницата добиваат костими на елфови и уживаат во атмосферата креирајќи одлични украси и декорации.

Како изненадување за целото семејство се попустите кои ќе ги направат последните денови од 2015-та уште поинтересни и поисполнети. Секако тука е можноста да шопингувате за JEEP Renegade, со секоја ф.сметка над 3.000,00 денари имате можност да го добиете овој вистински убавец.



Врати се горе ↑