Галерија

8 мај, 2017

Одбележани 70 години организиран фолклор во Вевчани

Синоќа во домот на културата во Вевчани со спектакуларен концерт КУД „Дримкол“ прослави значаен јубилеј за Вевчани, „70 години организиран фолклор“. На самиот почеток на програмата беше прикажан документарен филм  кој преку фотографии и видео материјали, живи сведоштва на стари луѓе и изјави на сите досегашни раководители на фолклорните групи во Вевчани, предизвика силни емоции кај публиката.

strusko pole

Покрај филмот, уште поголема возбуда кај присутните предизвика настапот на фолклорниот ансамбл „Дримкол“, кој на еден достоинствен, професионален начин, презентира вокални и орски изведби од западна Македонија, Повардарието, од Пиринска и Егејска Македонија и секако обредни сценски адаптации од Вевчани.

Со програмата на сцената синоќа раководеше позната актерка од МНТ, Снежана Конеска Руси, која внесе дополнителна енергија и убавина во целокупниот амбиент.

MEGA9170

„Вечерва беше величентсвено, бидејќи најдоброто, најквалитетното и најкарактеристичното од  фолклорот  на етничка Македонија беше најуспешно презентирано од страна на вештите играорци, свирачи и пеачи на КУД ’Дримкол’ од Вевчани. Киткастата и во голем дел оригинална и уникатна  носија која што може да ја има фолклорен ансамбал  од највискок  ранг,  ’Дримкол’  ја поседува и достоинствено ја презентира на сцена. Ова е и својствено за Вевчани кое јас секогаш го нарекувам тврдина на македонштината и македонската држава. Вечерва од име на СОФАМ-ЦИОФФ за Македонија дојдов со најголемо задоволство да честитам еден голем јубилеј – 70 години организиран фолклор во Вевчани и да им признаам на вевчанци дека горди сме што ’Дримкол’ постои во Македонија“, изјави синоќа претседателот на сојузот на фолклорни ансамбли и ЦИОФФ за Македонија, г-динот Антонио Димитровски.

egejska

Поради големиот интерес,  синоќа беја одржани два концерта во Вевчани, а од КУД „Дримкол“ најавуваат и приказ на синоќешниот јубилеен концерт во Скопје и други градови во Македонија.



Врати се горе ↑