Македонија 05022013155550_violeta_tomovska[1]

6 февруари, 2013

Награда за животно дело од Златна бубамара за Виолета Томовска

Легендата на македонската народна песна Виолета Томовска ќе ја добие наградата за животно дело на „Златна бубамара на популарноста“, настан кој ќе се одржи на 21-ви февруари во Универзалната сала.

„Во нејзината богата 50 годишна музичка кариера ги има отпеано речиси сите македонски песни кои се дел од ризницата на нашето големо музичко богатство“ – велат од тимот на Златна бубамара, која годинава се одржува по 16. пат. Виолета, која е родена во 1945 година во Битола, има снимено преку 500 песни меѓу кои и незаборавните дуети кои ги отпеаа заедно со легендите Никола Бадев, Кирил Манчевски, Пепи Бавтировски, Јонче Христовски, Наум Петревски,Танец…

Мотото на овогодишното издание на Златна бубамара е: „Мелем за душа“, а билетите по цена од 1000 денари се веќе пуштени во продажба од завчера.

 



Врати се горе ↑