Видео

5 октомври, 2018

Мина Блажев ја екранизираше макфестовската „Во други души“

Мина Блажев полека се докажува како една од најнадежните млади музички ѕвезди во Македонија, па откако нè претставуваше на минатогодишниот детски Евросонг, летово нè почести со хитот „Веќе нема, а на вчерашната прва полуфинална вечер на „Макфест 2018“ се рангираше на првото место според вкупниот резултат од жиријата и публиката.

На макфестовската сцена таа се претстави со темата „Во други души“, чиј автор на музиката, аранжманот и продукцијата е Роберт Билбилов, а стиховите ги потпишува Ивана Димова. Сето тоа веднаш доби и соодветна, црно-бела екранизација, која одлично ја дополнува песната и за која се погрижи режисерот Зоран Зонде Стојановски. 

Со освоеното прво место во вчерашното полуфинале, Мина утревечер ќе биде и една од 20-те финалисти што ќе се натпреваруваат во макфестовското финале, а веќе претпоставуваме дека барем една од наградите ќе отиде во нејзини раце. Среќно!



Врати се горе ↑