Концерт tv_rage

23 април, 2014

Кумановците ТВ Рејџ предгрупа на Дог Ит Дог во Скопје

TВ Рејџ (ТV RAGЕ) македонскиот рок’ен’рол бенд кој го претставува нојз-панк звукот на младата и плодна кумановска сцена ќе настапи како предгрупа на концертот на DOG EAT DOG кој ќе се одржи на 15 мај во Младински Културен Центар во Скопје.

Овој трочлен бенд во состав на Предраг Митиќ (гитара, вокал), Дамјан Поповски (бас гитара) и Анџело Мацура (тапани) постои скоро две години, а веќе работи на снимањето на својот деби албум чие објавување се очекува кон крајот на 2014 година. ТВ Рејџ на настапот како предгрупа на концертот на Дог Ит Дог ќе го претстави и материјалот од своето ЕП издание насловено „RIOT FROM THE GROUND“. Ова издание на групата беше објавено на 5 јуни 2013 и поставено е за бесплатно преземање од нивната bandcamp страница. Зад себе имаат околу 20 жестоки настапи од кои како позначаен групата го издвојува оној на фестивалот „Земјотрес“, а нивниот настап во живо на „Канал 103“ можете да го погледнете во продолжение.

Американскиот кросовер бенд DOG EAT DOG наскоро ја започнува својата пролетна европска турнеја која e организирана во чест на 20 годишнината од објавувањето на првиот, легендарен албум на групата, насловен „All Boro Kings“. Во рамки на оваа турнеја за 2014 година, DOG EAT DOG ќе ја посети и Македонија со концерт на 15 мај во МКЦ, Скопје! Домашната публика го памети одличниот, прв и до сега единствен настап на DOG EAT DOG кај нас, кој се одржа во 1995 година во рамки на „Т Фестивал“ во Скопје. Речиси 19 години подоцна, овој енергичен состав повторно доаѓа во Скопје и тоа со свој самостоен концерт кој DOG EAT DOG го најави и со видеото кое можете да го видите во продолжение.

Влезниците за концертот на Дог Ит Дог во претпродажба чинат 350 денари и се достапни во продажната мрежа на МКтикетс! На денот на концертот (15 мај 2014), на билетарата на Младински Културен Центар влезниците ќе се продаваат по полната цена од 400 денари.

Продажни места:

  • Продажните салони на ONE во: Скопје (Рамстор, ТЦ Бисер, ГТЦ, ВЕРО Центар, Скопје Сити Мол), Куманово, Тетово, Гостивар, Битола 01, Охрид, Струга, Неготино, Кавадарци, Прилеп, Штип, Велес, Кочани, Струмица, Гевгелија.
  • Во Скопје: Југотон ГТЦ 1 кат, МКЦ, Кафе Круг (Аеродром), Кафе Браво, МПМ ПРЕСС, Гоги Драчево
  • Онлајн преку интернет страницата на МКтикетс.



Врати се горе ↑