Концерт balasevic

29 септември, 2015

Концертот на Балашевиќ се поместува за 14 ноември

Поради техничко логистички причини, датумот за концертот на Ѓорѓе Балашевиќ е префрлен за 14 ноември, на иста локација- арената „Борис Трајковски“– Скопје, соопштија од „Авалон продукција“, нагласувајќи дека сите фанови кои набавиле влезници за 30 октомври, истите важат и за новиот датум!

„Авалон продукција“ со огромно задоволство го најавува концертот на легендарниот новосадски кантавтор Ѓорѓе Балашевиќ, на 14 ноември во арената „Борис Трајковски“, на кој пред македонските обожаватели ќе го претстави својот најнов музички проект. Човекот кој секогаш го распродава апсолутно секој концерт што го работи (инаку Балашевиќ со концертот на Калемегдан пред две години и со околу 30 илјади посетители, изби на првото место на интерната листа на „Авалон продукција’ по посетеност, и тоа пред „Ајрон мејден“), повторно после 2 и пол години најавува незаборавно музичко патување со македонската публика.

Последниот музички проект на Балашевиќ наиде на огромно воодушевување секаде каде што тој заедно со неговиот бенд го претстави во изминативе година и пол. Задоволството да уживаат во него досега го имаа загрепчани (пет распродадени концерти во „Ватрослав Лисински“), сараевчани („Зетра“- 20 илјади посетители), жителите на Осијек (10 илјади посетители), Сплит (распродадена арена еден месец пред концертот)…

Како и за секој голем концерт што го работи „Авалон продукција“, така и за овој несекојдневен настап на Балашевиќ, билетите беа пуштени во продажба речиси шест месеци пред концертот преку продажната мрежа на www.kupikartizase.com со цени: 900 денари за партер (седење), 700 и 900 денари за трибина (седење) и 1200 денари за „golden seats“.

 



Врати се горе ↑