Концерт kula

5 октомври, 2015

Концерт на „Д кеј“, „Онменс“ и „Сузи Сопрано“ во културниот центар „Кула“‏

Културниот центар „Кула“ ја продолжува есенската музичка програма со три алтернативи нојз-рок-индастријал состави и со огромно задоволство ви ги претставува „Д кеј“, „Онменс“ и „Сузи Сопрано“. Алтернативните настапи на овие три бендови ќе можете да ги погледнете на 6 октомври (вторник) во 20.00 часот во „Кула“.

„Д кеј“ (The K.) се белгиски рок бенд од Брисел, чиј звук е под влијание на „Писд џинс“ (Pissed Jeans), „Д Мелвинс“ (The Melvins) и „Фугази“ (Fugazi). Откако го освоија белгискиот конкурс „Сркит“ (Circuit) во 2011 година, го издадоа својот деби албум во јуни 2012 година насловен „My Flesh Reveals Millions of Souls“ под независната издавачка куќа „Jaune Orange and PIAS“. Нивното издание наиде на мноштво позитивни критики во андерграунг музиката, како и во поширокита белгиска јавност.

„Онменс“ претендираат да ја соголат својата музика на ниво на ефективност и директност. Овој дуо-состав е комбинација од ноктурно пулс со абразивни гитари и вокали кои создаваат специфичен звучен стил.

„Сузи Спорано“ ја започнуваат својата кариера во 2015 година, како членови од бендовите „Кармакома“ (Karmakoma), „Гроуинг ретс“ (Growing Rats) и „Д лифт“ (The LIFT). Карактеристични се по звукот на необработениот, едноставен, но силен тапан со водечки гитари и вокали. Наликуваат на „Д фол“ (The Fall), „Д џрмс“ (The Germs), „Генг оф фор“ (Gang of Four), „Киус“ (Kyuss), „Отроци социјализма“ (Otroci Socijalizma) и многу други кои го инспирираат разноликиот музички израз на„ Сузи Сопрано“.



Врати се горе ↑