Видео

17 јануари, 2019

Елена Андоновска ја визуализираше својата верзија на „Мома седи на чардакот“

Фолк-пејачката Елена Андоновска деновиве го промовираше новото видео за песната „Мома седи на чардакот“, која е уште едно музичко парче од новиот проект на Елена и членовите на групата „Седенка“, насловен „Кој што ме чуе да пејам“Ова е втора песна од албумот која добива своја екранизација, веднаш по дебитантската „Босо моме“

Инаку, проектот содржи десет композиции кои се преаранжирани преработки на познатите народни песни, испеани од легендарните доајени на македонската народна песна. Песните се преаранжирани во ново руво од страна на  Александар Јовевски, кои иако навлегуваат во модерениот етно-стил, исполнет со современи музички примеси, воопшто не изгубиле од својата оригиналност и автентичност, толку карактеристични за македонскиот мелос. Напротив, дури и се збогатени со што добиле на својата музичка вредност која соодветствува со духот на модерното доба, што е редок пример во денешново време, во кое царуваат кичот и шундот.

Албумот е снимен во музичкото студио „Подрумот“, а зад  продукцијата стои проверениот мајстор Ангел Ќосев. Видеото е  сниманово амбиентот на скопскиот ресторан „Лира“, а него го потпишува продукцијата „Арт студио“. Гости во видеото се и дел од екипата музичари со кои Елена соработувала на снимањето на нејзиниот албум, од кои најголем дел се нејзини колеги од групата „Седенка“, во која таа однеодамна и самат членува.

Инаку Елена Андоновска е професионален музичар, која студирала етнокореологија на Факултетот за музичка уметност при Универзитетот „Гоце Делчев“ во Штип. Професионално е вработена во Националниот ансамбл за танци и песни „Танец“, а е во брак со својот музички колега Марјан Андоновски.

Како звучи и изгледа  „Мома седи на чардакот“ во изведба на Елена Андоновска дознајте во продолжение. Уживајте!

Извор: Вистина.мк



Врати се горе ↑