24 март, 2017

Далибор Ѓошиќ ја екранизираше „Стамена“

Фолк пејачот Далибор Ѓошиќ, пред преставниците на медиумите вчера го промовираше вториот сингл и спотот за истиот од проектот „Ајде сонце зајде“, во кој се обработуваат стари македонски народни песни. Станува збор за песната „Стамена“, а на целиот овој проектот работат докажани и признаени музички имиња од Македонија, како Сашо Ливрински, еден од најпознатите македонски композитори, кој се јавува како обработувач на песните, кои ќе се најдат на овој албум.

Пред нешто повеќе од месец и половина, со големата промоција на „Ајде сонце зајде“, првата песна и спот од овој албум, Далибор само најави плодна година, во која дел по дел ќе биде испромовиран целиот албум. Токму на оваа промоција беше во живо отсвирена песната „Стамена“, а делови од тој настап се искористени во новиот спот.



Врати се горе ↑