Барбра Страјсенд (сè уште) има најголем број платинести албуми во историјата
Сите знаеме дека Барбра Страјсенд е икона, но сега уште еднаш го потврди својот статус на жива легенда. Имено, нејзиниот триесет и четврти по ред, студиски албум „Partners“, кој го објави минатата година и кој доби и номинација за претстојните Греми награди, неделава и официјално стана нејзино 31. платинесто издание.
72-годишната пејачка и актерка го продолжи статусот на женски уметник со најголем број платинести албуми во историјата на Здружението на музичките сниматели на Америка (RIAA), a со овој рекорд уште повеќе ја зголеми предноста пред колешките Риба Мекинтајр (19), Мадона (17) и Мараја Кери (13). Покрај тоа, позади себе има и 53 златни, 14 мулти-платинести и десет број 1 изданија, а во септември минатата година стана и првиот изведувач со број 1 албум во секоја од последните шест децении.
Во продолжение уживајте со изведбата на дуетот со Мајкл Бубле, „It Had To Be You“, кој се најде на минатогодишниот албум „Partners“.
Слични содржини:
Барбра Страјсенд ја опеа Статуата на слободата →
Барбра Страјсенд најави нов албум со песна посветена на Трамп →
„Closer“ на „Чејнсмоукерс“ и Халзи најпопуларна во Британија, Америка и Австралија →
